| 父親節那天,中午去了飲茶,飲完之後就返屋企執野, 執好野訓左陣,準備入院,到了醫院搞了好一陣子才上房 oo.原來佢淨係俾一套衫手術o個陣用,其如時間著自己衫架 好彩baby有陪我一齊入院,辛苦了她幫我走過去九龍城 買衫褲同埋買晚餐給我,baby挑選的衣服很合我的味道,咁就可以以後再著喇 最開心的事她買薯片和雜誌,辛苦妳搞到身水身汗仲要手都痛嘛,(我幫妳按摩番), 到7點幾baby就走左我就開始悶喇,帶左notebook去睇台劇,同時baby一路keep住同我sms 到夜晚12點幾頂唔順,整左個杯麵食,好味到暈呀,之後2點幾就訓左lu 第二朝7點幾d姑娘係咁行黎行去,量體溫量血壓各樣,跟住我都係俾佢地嘈醒左, 走去刷牙洗面,又食杯麵,9點幾去左做物理治療,11點幾返到黎,叫姑娘幫我嗌飯 食完呢個栗米肉片飯加底(飽到暈呀),到兩點開始就要禁食等夜晚8點做手術 頂水都唔飲得,渴死人,然後一路靜靜地等待到7點鐘,沖個涼偷偷食支煙,換好病人衫 7點9度有人黎接我落去手術,o my god,多麼的恐怖訓o係o個張床上面,入到手術室 轉完床,痳醉師就幫我藥,then我就暈左,唔知發生咩事,有少少意識o既時候已經俾人推緊返房 半睡半醒狀態下扲返手提電話o個d野,我記得o個陣係十點,我第一時打俾baby 點知冇人聽呀,隔一分鐘打一次,打左4次都冇人聽,我個心好失落呀,>< 跟住我記要打番屋企,但係因為我好失落所以sd左個sms就算 sd完, baby打番黎喇,原來佢去左沖涼呀,嚇死人咩,人地做完手術冇得第一時間聽妳把聲 講左兩句都收左線,因為d藥未過,好眼訓呀,,10點9度有姑娘黎量血壓, 頂佢個肺私家醫院係唔同d,一個鐘黎量一次,搞到我訓下醒下好多次,救命 終於到7點幾,有姑娘知我唔落得床,就幫我準備漱口水同埋幫我整左個杯麵 到9點幾又去做物理治療,激喎,尋晚做完手術,今朝就做運動, 12點幾媽媽煮左粥扲黎俾我,食左幾啖,頂唔順終於要嘔喇, 嘩,人生最苦o既一次嘔囉,d藥真係恐怖,之後就食哂淨番o既粥 到2點幾,baby黎探我喇,好開心呀,不過就悶親baby啦,冇咩野玩, 本來可以去街,但係冇人出黎,最終佢夜晚都約到個fd去食飯,咁都好d 跟住到夜晚我媽媽又扲飯黎俾我,十萬個感謝,d飯送同埋湯好味到呢, 食完,又等訓覺,睇下台劇,搞搞下又12點幾,一路都同baby sms 有一下我訓左著,一訓著發夢竟然又發現自己o係手術室o既情況,有d驚 好彩baby sms黎嘈醒左我,多得有baby安慰我先至可以訓到覺,鍚哂妳>3< 到第4日朝早醫生黎拆繃帶,佢話都ok啦,到下晝tasuki終於搵到我,黎左探我 好彩佢返工都係同一層,唔洗走咁遠,不過佢話早兩日冇我d資料,搵我唔到,激氣 之後等到6點幾我家姐黎接我,返屋企喇 現在想想,我真的很幸福,發生了這麼多事,身體的朋友,親人同埋我baby都咁關心我,就讓我在這裡向你們說聲,多謝! BABY:很難想像沒有了妳,我會怎麼樣 |
這是慶祝baby考完試的晚餐
